برنامج جوجل ادسنس و شروط الاشتراك به.

عايز اشتغل علي ادسنس؟! ..

1- قبل ما نبدأ للناس اللى مش عارفه ايه هو أدسنس ؟
ادسنس دي شركة تابعه لشركة جوجل بتتيح للمواقع المدفوعه (مش المجانية "معادا بلوجر" ) إنها تكون وسيط بين المعلنين و ناشري الاعلان مقابل انها تديلك نسبة 68% من العمليه كلها.

2- اعرف الاول ادسنس ليه 3 انواع
*ادسنس مستضاف (نوعين)
.. مستضاف يوتيوب > بيشتغل يوتيوب بس
... مستضاف بلوجر > بيشتغل علي بلوجر.

*ادسنس عادي
بيشتغل علي المواقع و اليوتيوب و كلو .

.
طيب هتشتغل علي أدسنس إزاي ؟

1- ادسنس مستضاف يوتيوب.
الناس اللى عايزة تبدأ شغل علي ادسنس بعد كام ساعه، أسرع طريقة هي اليوتيوب.
الفيديو دا فيه شرح إزاي تعمل قناة يوتيوب ، و ازاي تعمل حساب ادسنس مستضاف يوتيوب ، و ازاي تنزل فيديوهات حصريه ميعاقبكش عليها اليويتوب بحجة حقوق الملكية.
"تحديث " حاليا أدسنس بتطلب 1000 مشترك و 4000 ساعةمشاهده إجماليه في أخر 12 شهر سواء فيديو واحد او كلو عشان تتيح لك استخدام ادسنس.

2- ادسنس مستضاف بلوجر. ( قبول متوسط السرعة)
هتشتغل علي منصة بلوجر Blogger ، و من داخل الاعدادات هتبدي تعمل تمكين لتحقيق الربح و تشتغل علي ادسنس مستضاف.
" انا مش خبير يوتيوب ولا بلوجر" لكن بديلك الاساسيات.

3- ادسنس عادي. ( قبول للمواقع الملتزمة بإرشادات الجودة فقط )
- هتشتري دومين مدفوع ، و استضافة ,, تركب المنصة اللى تعجبك ( وردبريس ، جوملا ، منتديات vb ، ... )
- تبتدي تهتم بالمحتوي ،
- و ياريت تخلي موقعك متخصص ،
- تقدم مقالات عدد كلماتها متقلش عن 300 .. كل ما تزيد يبقى احسن في فرصة قبولك..
- شغلك يكون حصري 100%.
- تبعد عن اي حاجة ليها حقوق ملكية زي الافلام و الاغاني و البرامج المكركة او الحاجات - --المنزوعه التراخيص.
- بعد كدا تشتغل ع الموقع شهر لـ شهرين ، ومتستعجلش انك تقدم ، ابني موقع الاول تفخر بيه -وانت داخل تقدم في ادسنس ، وبعدين قدم لأدسنس طلب ، وإن شاء الله هتلاقي نسبة قبول عاليه لو اهتميت بكل نقطة ف اللى قولناها. ولو متقبلتش شوف موقعك محتاج ايه و كمل فيه و برضو هقولك تاني متستعجلش ...

إن شاء الله بالتوفيق لكل الناس ،
اي استفسارات ف اليوتيوب و بلوجر .. إعذروني لإنهم مش تخصصي.
و اي استفسارات تانية يسعدني دائما المساعدة..
أسألكم الدعاء